Përgatitet lista përfundimtare me emrat e kandidatëve për anëtar të KPK-së nga radhët e PSRK-së
Prishtinë, 5 mars 2024
Komisioni për zgjedhjen e anëtarit të Këshillit Prokurorial të Kosovës (KPK) nga radhët e Prokurorisë Speciale të Republikës së Kosovës (PSRK), i udhëhequr nga anëtari joprokuror, z.Dardan Vuniqi, mbajti takim e radhës, në të cilin morën pjesë prokurori në Zyrën e Kryeprokurorit të Shtetit, z.Agron Qalaj dhe Drejtori i Përgjithshëm i Sekretariatit të KPK-së, z.Sami Istrefi.
Në këtë takim janë shqyrtuar kandidaturat e të nominuarve për pozitën e anëtarit të Këshillit Prokurorial të Kosovës nga radhët e Prokurorisë Speciale të Republikës së Kosovës dhe pas shqyrtimit të të njëjtave është përgatitur lista përfundimtare me emrat e kandidatëve të nominuar për këtë pozitë në sistemin prokurorial.
Në përfundim të takimit te sotëm, anëtarët e Komisionit, theksuan se pas finalizimit të listës së kandidatëve do të mbahen zgjedhjet, ashtu siç është paraparë, më 15 mars 2024.
