ËSHTË MBAJTUR TAKIMI I RADHËS I KËSHILLIT PROKURORIAL TË KOSOVËS, 03 MARS 2015
Prishtinë, 03 mars 2015 - Është mbajtur takimi i nëntëdhjetetre i Këshillit Prokurorial të Kosovës, i kryesuar nga ushtruesi i detyrës së Kryeprokurorit të Shtetit dhe njëherësh Kryetarit i Këshillit, Sylë Hoxha.
Gjatë këtij takimi është diskutuar për kërkesën e adresuar në Këshillin Prokurorial të Kosovës nga Gjykata Kushtetuese, kërkesë kjo e pranuar me datën 02 mars 2015.
Lidhur me këtë çështje anëtarët e KPK-së morën vendim që t’i përgjigjen Gjykatës Kushtetuese në kërkesën e drejtuar nga ajo, për Këshillin Prokurorial të Kosovës.
Pika e dytë e rendit të ditës lidhur me mandatet e anëtarëve të KPK-së, është shtyrë për takimin e radhës i cili u caktua të mbahet ditën e premte më datë 06 mars 2015..
