Trajtimi i lëndëve të korrupsionit dhe krimeve ekonomike të jetë prioritet i Prokurorisë Themelore të Prizrenit
Prizren, 23 nëntor 2021 – Grupi punues për mbikëqyrjen e Njësitit për Luftimin e Korrupsionit dhe Krimeve Ekonomike, i udhëhequr nga Zëvendëskryesuesi i KPK-së, Veton Shabani, ka vizituar Prokurorinë Themelore të Prizrenit, ku është takuar me Kryeprokurorin e kësaj prokurorie, Admir Shala.
Në këtë takim janë diskutuar raportet e punës së kësaj prokurorie, me theks të veçantë në shqyrtimin e lëndëve të korrupsionit dhe krimeve ekonomike, si dhe sfidat në kryerjen e këtyre lëndëve.
Me këtë rast, Kryeprokurori Shala ka prezentuar aktivitetet dhe punët që është duke i zhvilluar Prokuroria Themelore e Prizrenit lidhur me veprat penale të lartcekura.
Në fund të këtij takimi, u kërkua një përkushtim më i madh në zvogëlimin e numrit të lëndëve të korrupsionit dhe krimeve ekonomike dhe trajtimin e tyre me prioritet të lartë.
