Mbahet takimi i radhës i Komisionit për Çështje Normative
Prishtinë, 5 maj 2022 - Komisioni për Çështje Normative i KPK-së mbajti takimin e tij të radhës, të cilin e kryesoi Armend Zenelaj, me ç’rast shqyrtoi një sërë pikash të rendit të ditës.
Fillimisht është shqyrtuar Udhëzuesi për transferimin dhe avancimin e prokurorëve të shtetit, i cili përmban udhëzime të detajuara për procedurën e transferimit dhe avancimit të prokurorëve.
Me këtë rast, anëtarët e Komisionit për Çështje Normative, u pajtuan që ky udhëzues të propozohet për aprovim në takimin e radhës së Këshillit Prokurorial.
Gjithashtu, gjatë këtij takimi, anëtarët e këtij Komisioni shqyrtuan edhe draftin e parë të Rregullores për rekrutimin, provimin, emërimin dhe riemërimin e prokurorëve të shtetit, i përgatitur fillimisht nga stafi i administratës së sistemit prokurorial, i cili merret me ofrimin e mbështetjes në procesin e rekrutimit, emërimit dhe riemërimit të prokurorëve të shtetit.